ՎՍՀ-ում Հայաստանի Հանրապետության դեսպան Վահրամ Կաժոյանի մասնակցությունը Հարավ-Արևելյան Ասիայի երկրների կազմակերպության (ASEAN) 36-րդ գագաթաժողովի բացման արարողությանը:

26 հունիսի, 2020

Հունիսի 26-ին Վիետնամում Հայաստանի դեսպան Վահրամ Կաժոյանը մասնակցեց Հարավ-Արևելյան Ասիայի երկրների կազմակերպության (ASEAN) 36-րդ գագաթաժողովի բացման արարողությանը:

2020 թվականի հունվարից կազմակերպության նախագահությունը ստանձնել է Վիետնամի Սոցիալիստական Հանրապետությունը:

Բացման հանդիսավոր արարողությանը, որին ներկա էր Վիետնամի ամբողջ քաղաքական վերնախավը, ելույթով հանդես եկավ երկրի վարչապետ Նգույեն Սյուան Ֆուքը: ASEAN-ի անդամ մյուս բոլոր երկրների ղեկավարները գագաթաժողովին մասնակցում էին առցանց ռեժիմով:

Վարչապետն իր ելույթում անդրադարձավ COVID19 համավարակի հաղթահարմանն ուղղված ASEAN-ի երկրների համակարգված ջանքերին, ինչը հնարավորություն ընձեռեց երկրներին հիմնականում հաղթահարել վարակը: Այնուամենայնիվ, բոլոր տասը երկրների տնտեսությունները զգալիորեն տուժել են համավարակի հետևանքով, և հետևաբար, գագաթաժողովի քննարկվելիք բազմաթիվ հարցերի թվում, հիմնականներից է լինելու համավարակի տնտեսական հետևանքների հաղթահարմանն ուղղված համատեղ գործողությունների համաձայնեցումը՝ երկրների տնտեսությունները հնարավորինս արագ ոտքի հանելու նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր